Претседателот на СДСМ, Зоран Заев се сретна со амбасадорот на НР Кина во Р.Македонија, Зеншун Вен.
Тема на средбата беше актуелната политичка ситуација во Македонија и продлабочување на односите на Р.Македонија со Народна Република Кина.
-Сите политички субјекти во Македонија и претставниците на меѓународната заедница се свесни дека се пробиени законските рокови за клучни обврски од Договорот во Пржино, причистувањето на Избирачкиот список и регулација на медиумите. Очекуваме независната институција задолжена списокот, Државната изборна комисија во скоро време да излезе со проценка на роковите потребни за ефективно и квалитетно прочистување на Избирачкиот список, соопшти претседателот Заев.
На средбата стана збор и за добрите пријателски односи помеѓу Р.Македонија и НР Кина и за можностите на продлабочување на соработката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
