Македонците сакаат работното време да им започне во 7:30 минути, а со работни обврски да завршат во 15:30 минути. Дури 63 отсто од оние кои одговориле на анкетното прашање на Република сметаат дека ова е идеално работно време.
Добро би било работното време биде од 7 часот наутро, или половина час подоцна, да заминам од работа околу 15 часот, денот да е пред мене, да стигнам во градинка да го земам детето, да имам време да поминам со него – ова е едно од мислењата што ќе ги слушнете кога луѓе разговараат за тоа кога би сакале да заминат на работа.
Седумнаесет отсто од оние кои одговориле на анкетното прашање се за флексибилно работно време – по избор на работникот тој да доаѓа на работа во периодот од 7:30 до 9:00, а да заминува од работа во периодот од 15:30 до 17:00, зависно од тоа кога пристигнал на работното место.
Само 20 отсто се да остане работното време како што е, односно тоа да започнува од 8:30 или 9:00, а да завршува во 16:30, односно 17:00.
[poll id=”151″]
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
