Во Македонската опера и балет вечерва, 15 декември, со почеток во 20 часот ќе се одржи премиерата на балетската претстава „Огнени градини“ на музика од познатиот шпански композитор, Мануел де Фаља…
Претставата е условно составена од три дела, тоа се: Градините на Алхамбра, на Кордоба и т.н. Маѓепсана љубов, а кореографијата содржи доста елементи од шпанските традиционални танци, со нагласка на фламенгото. Сценограф е Зоран Костовски, а костимограф, Александар Ношпал.
Со оркестарот на Македонската опера и балет ќе диригира гостинот од Шпанија, Јозеп Висент. Гостинка во претставата е и вокалната солистка Хинеса Ортега Кортес, позната по изведбите на фламенгото. Пијано придружнбата е на Дино Имери. Настапуваат првенците, солистите, балетскиот ансамбл и оркестарот на Македонската опера и балет.
Репризата на балетската претстава на е во четврток, 17 декември. На репризата со оркестарот ќе диригира Бисера Чадловска, а како вокална солистка ќе настапи нашата мецосопранистка, Ирена Кавкалевска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
