Серијата на шампионот заврши, Милвоки му го зеде скалпот на Голден Стејт (видео)

Актуелниот НБА шампион Голден Стејт ја заврши неверојатната серија од 24 победи од стартот на сезоната и за првпат загуби на гостински терен од Милвоки со 108-95.
За првпат Стеф Кари и другарите мораа да честитаатна некој друг за победата, но секако не се разочарани бидејќи срушија неколку рекорди во НБА лигата.

– Мислевте дека ќе бидеме тажни и разочарани?! – рече Дрејмонд Грин во соблекувалната пред насобраните новинари.

Ако се додадат и четирите победи од минатата сезона тогаш Голден Стејт ојде до вкупно 28 победи, што е за пет помалку од апсолутниот рекорд на ЛА Лејкерс од 33 победи во сезоната 1971-72.

Стеф Кари постигна 28 поени, Дрејмонт Грин имаше дабл-дабл ефект од 24 поени и 11 скока, додека во тимот по еден натпревар пауза се врати и Клеј Томсон, кој реализираше 12 поени. Кај Милвоки, Крег Монро беше најефикасен со 28 поени, Џабари Паркер стигна до 19, додека Мајкл Картер-Вилијамс реализираше 17 поени.

НБА резултати:
Шарлот – Бостон 93-98, Детроит – Индијана 118-96, Атланта – Сан Антонио 78-103, Чикаго – Њу Орлеанс 98-94, Хјустон – ЛА Лејкерс 126-97, Далас – Вашингтон 111-114, Милвоки – Голден Стејт 108-95, Портланд – Њујорк 110-112

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.