Во Културниот центар Феникс, кој се наоѓа во непосредна близина на Универзална сала на ул. Костурски херои бр.35 во Скопје, од 15 декември па сé до крајот на месецот, ќе се одржи Новогодишна изложба на слики од мал формат.
Целта на ликовната изложба која ќе опфати над 1.000 ликовни експонати е главно да се презентираат ликовни дела со помал формат и со пристапни цени кои ќе претставуваат траен новогодишен подарок и ќе се најдат кај голем број граѓани во нивните домови и работни простории.
За Новогодишната ликовна изложба на слики од мал формат нема никакви тематско-мотивски и стилско-изразни ограничувања, а сите заинтересирани ликовни творци своите дела треба да ги достават до 15 декември во Културниот центар Феникс.
На Новогодишната изложба на слики од мал формат ќе биде доделена и наградата Арт феникс за најбаран, односно најпопуларен автор презентиран со свои слики на овој мал саем на македонски ликовни дела од мал формат и минијатури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
