Горан Бреговиќ откри кој и поради што го спонзорирал за да користи дрога

Изминатиов викенд Горан Бреговиќ гостувал во една босанска телевизиска емисија во која открил досега непознати детали од својот живот.

Бреговиќ открил дека кариерата ја почнал на 17 години и тоа во стриптиз-бар.

-На 17 години видов повеќе голи жени од сите мои врсници заедно – кажал познатито музичар.

Зборувајќи за дрогата, Горан изјавил дека неговиот пат со дрогата почнал во осумнаесеттата година од животот и дека и истата година ставил крај на оваа лоша навика. Меѓутоа, признал и дека дискографската куќа „Југотон“ му плаќала да „остане буден“ бидејќи секогаш имал проблем со роковите.

За водачот на Азра Џони Штулиќ  изјавил дека е аматер, кој никогаш не станал професионалец : Штета што го нема повеќе на музичката сцена, бидејќи во своето време тој беше референтна точка и многу се трудеше.

Тончи Хуљиќ го пофалил и кажал дека е „талентиран ѓавол“, како и дека никој не можел да му  конкурира. Бреговиќ изјавил дека Северина и Здравко Чолиќ ја имаат магија кога ќе влезат во просторија да ве хипнотизираат со својата енергија.

Бреговиќ демантирал дека на францускиот музичар Енрико Макиас морал да му исплати еден милион евра  поради користење на неговата музика во филмот „Аризона дрим“.

-Никогаш во животот не сум имал каков било судски спор, а особено не поради музиката. Според авторските права, јас имама „цигански став“ – сакам да крадам од традицијата и сигурен сум дека и идните генерации така ќе ја „крадат“ и мојата музика – појаснил Бреговиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.