Во 29 оптшини и Градот Скопје денеска се одржува вториот круг од локалните избори. Првиот круг се прегласува на три избирачки места во Струмица и на едно во Долнени.
Гласањето започна во 7 часот, а завршува во 19 часот. Право на глас во вториот круг од изборите имаат милион 103 илјади и 175 граѓани на 1.614 избирачки места.
Втор круг гласање ќе има во Арачиново, Берово, Битола, Богданци, Брвеница, Бутел, Велес, Врапчиште, Гостивар, Дебарца, Делчево, Ѓорче Петров, Јегуновце, Кавадарци, Карбинци, Карпош, Кочани, Куманово, Лозово, Могила, Ресен Старо Нагоричане, Струга, Студеничани, Теарце, Тетово, Центар, Чаир, Чешиново-Облешево и Градот Скопје.
Во Струмица првиот круг ќе се прегласува на избирачките места 1727, 1730 и 1734, каде има вкупно 3.255 гласачи, а во Долнени на избирачкото место 1.473.
Во Градот Скопје на 536 избирачки места право на глас, според избирачкиот список, имаат 444.259.
Вчера гласаа затворениците, болните и немоќните, лицата во куќен притвор и внатрешно раселените лица.
Граѓанската асоцијација МОСТ со 2080 набљудувачи ќе го следи гласањето во вториот круг од локалните избори. Со нив ќе бидат покриени 50 до 60 отсто од 1.614 избирачки места. Мисијата на ОБСЕ/ОДИР има 18 долгорочни набљудувачи, но не соопшти со колку краткорочни ќе ги набљудува изборите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
