Македонскиот шампион МЗТ Скопје ја оствари првата победа во новата сезона во АБА лигата во второто коло против Металац убедливо со 93-67 на домашен терен во СЦ „Јане Сандански“.
„Металците“ одлично одговорија на предизвикот и императивот победа и во текот на сите 40 минути доминираа над противникот. Засилени со враќањето на плејмејкерот Марко Љубичиќ, „штрковите“ ја пробија силната одбрана на Металац Фармаком и ја освоија првата победа во рамки на јадранската лига.
Во првиот период од играта се водеше изедначена борба се до почетокот на втората четвртија кога со серија од 6-0 Металац дојде до единственото водство од 24-23. Тоа беше се што сторија гостите од Ваљево. Како што минуваше времето во втората четвртина, така растеше и предноста на МЗТ, избраниците на Пипан делуваа сигурно и во нападот и во одбраната, стигнувајќи до одлична предност од 13 поени (43-30).
Во третатата четвртина гостите го намалија водстово на само шест поени (45-39), но тренерот на МЗТ Скопје Алеш Пипан зеде тајм-аут и ги консолидираше своите редови, посебно во одбраната. Во последните десет минути се влезе со предност на „сино-белите“ од 65-51, а во четвртата четвртина можеше да се проследи целосна доминација на домашниот тим, кој постигна 28, а прими само 16 поени за конечен триумф од 26 поени разлика.
Дреновац со 17 поени беше најефикасен кај македонскиот првак, пред Љубичиќ со 16 и Луковиќ и Дамјан Стојановски со по 14 поени.
Нареден натпревар за МЗТ Скопје Аеродром во регионалната АБА лига е во вторник (6 октомври). Актуелниот првак во домашното првенство во Белград ќе се пресмета со екипата на Партизан.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
