Реал Мадрид ќе биде комплетен во градското дерби против Атлетико на „Висенте Калдерон“

Тренерот на Реал Мадрид Рафа Бенитез може да здивне пред големото градско дерби против Атлетико Мадрид што се игра во рамките од седмото коло во Примера дивизија, следниот викенд.
Секако, дербито не би го имал тој шарм доколку не играат најдобрите фудбалери на двата тима, а добра вест за навивачите на „кралевите“ е што тројцата повредени, Бејл, Родригез и Рамос се враќаат во составот.
Минатата сезона Реал доживеа дебакл на „Висенте Калдерон“, кога Карло Анчелоти не можеше да смета на половина тим и заслужено беше поразен со 4-0, иако за неговиот тим не можеа да настапат Рамос, Модриќ, Пепе, Родригез и Марсело.
Единствениот кој нема да настапи поради повреда од почетниот состав е Пепе, но Варан е вистинска замена оваа сезона.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.