Шпанија и Мароко уапсиле 14 лица под сомнеж дека регрутирале борци за ИД

Властите во Шпанија и Мароко денеска уапсиле 14 лица под сомнеж дека регрутирале борци кои би и се придружиле на групата Исламска држава (ИД) во Сирија и Ирак, соопшти шпанското Министерство за внатрешни работи.

Осомничените се уапсени во предградија на Мадрид и во други градови во Мароко, наведува Министерството.

Апсењата се поврзани со „мрежата која испраќа борци во редовите на терористичката организација Исламска држава во сириско-ирачкиот регион, кој е под контрола на оваа џихадистичка група“.

Операцијата е спроведена неколку дена откако 26-годишен Мароканец е обвинет за напад на патници во воз во Франција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.