Првиот светски рекет, Американката Серена Вилијамс успеа по тешка борба да слави победа во третото коло на Ролан Гарос над Викторија Азаренка.
Таа беше поуспешна од Азаренка со 2-1 (3-6, 6-4, 6-2) во сетови и по целосен пресврт се пласираше во осминафиналето. Белорусинката добро го почна мечот, направи брејк и сосема заслужено го освои првиот сет. И во вториот сет Азаренка беше во предност и имаше резултат 4-2, но Серена се разбуди и успеа со четири гема по ред да го израмни резултатот.
Третиот сет продолжи со домининација на Американката и сосема заслужено се пласираше во следното коло. Таму, ќе игра со својата сонародничка Слоун Стивенс која со 2-0 во сетови беше подобра од Цветанка Пиронкова.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
