Тројцата фудбалски судии во претставата, кои изнудија голем аплауз на бис кај присутната публика се младите актери на Велешкиот театар Фаик Мефаиловски и Жарко Спасовски и како гостин познатиот актер на штипскиот Народен театар Владимир Тулиев.
Режисерот Ненад Витанов, кому ова му е десетта претстава, оцени дека е здоволен од претставата за што според него потврда е долгиот аплауз од публиката.
Претставата ги опишува проблемите на тројца фудбалски судии за време на еден натпревар. Иако на прв поглед темата е фудбалот, таа ја прикажува страста спрема животот.
– Секој од нас има некои проблеми, подеми и падови, тоа е животот кој го има прикажано оваа претстава, затоа вечерва и беше интересна на публиката и мислам дека долго ќе живее на оваа сцена. Воедно планираме и повеќе гостувања и учества на фестивали во земјава и странство – негласува Витанов.
Актерот Владимир Тулиев во изјавата за медиумите по претставата оцени дека е задоволен од она што тие тројцата го прикажале пред публиката, а замисленото го реализирале на сцената.
– Задоволство ми беше да играм првпат на оваа сцена на новиот објект на Велешкиот театар. Јас ја знам велешката публика, која е феномен во земјава, а дека многу им се допадна потврда беше силното ракоплескање од нив. Ова е комедија, но до вчера имавме тешки проби за да се најде вистинскиот нишан за да допре до публиката и мислам дека успеавме и јас и колегите како што и тие ми рекоа по претставата, нагласи актерот Тулиев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
