Има ли поголема пофалба за навивачите на еден тим, кога ги фали играч кој играл во тим кој е еден од најголемите конкуренти?
Некогашниот играч на Арсенал и вистинска ѕвезда на лонндонскиот тим Тјери Анри, вчера настапи на хуманитарниот натпревар кој го организираа големите фудбалски имиња на Ливерпул, Стивен Џерард и Џејми Карагер. Анри настапи во тимот на Стиви Џи заедно со поранешните играчи на црвените, Луис Суарез и Фернандо Торес.
Тој упати пофални зборови за навивачите на Ливерпул по натпреварот.
– Во минатото неколку пати изјавив дека овие навивачи се фантастични. Првпат со уживање ги гледав и слушав како ја пеат „You’ll never walk alone“ и навистина бев воодушевен. Со оваа публика Ливерпул освои многу бодови во историјата – изјави Тјери Анри.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
