Стоперот на Валенсија откри каква „сочна“ порака добил од Суарез (видео)

На првиот полуфинален меч од Купот на Шпанија, синоќа Валенсија се бранеше одлично на „Камп Ноу“ и во најголем дел од мечот се добиваше впечаток дека играчите на Барелона немаат решение за одбраната на гостите. Сепак една магија на Лионел Меси и неговото проигрување до Суарез беа доволно фаворитот да обезбеди минимална предност од 1-0 пред реваншот на „Местаља“.

Уругваецот  имаше полесна задача од Меси и сигурно со глава ја смести топката во голот, а од неговата партија претходно имаше и неколку жестоки дуели со стоперите на Валенсија, особено со Габриел Паулиста кој во микс-зоната откри и каква сочна порака добил од напаѓачот на Барселона.

– Тоа се работи кои за мене остануваат на теренот. Тој ми порача дека сум гом…, а јас му реков дека е одличен фудбалер, дека е најдобрата „9ка“ во светот. Сепак тоа останува на теренот, брзо се забораваат тие работи, низ смеа порача поранешниот стопер на Арсенал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.