Центарот за научни истражувања и промоција на културата ХАЕМУС од Скопје организира серија предавања од областа на археологијата по повод „Балканската праисториска конференција“, на ден 12.03.2015 год. (четврток), во Музејот на град Скопје, со почеток во 19 часот. Настанот е од промотивен карактер и се прави заради популаризација на македонската археологија и балканското културно наследство. Предавањето е во организација на УНЕСКО клуб ХАЕМУС под мотото на УНЕСКО „Отворени образовни ресурси“ (ООР). Настанот е поддржан од Алијанса за ООР на Република Македонија (www.oer.mk).
Говорници на настанот се проф. д-р Драгош Георгиу (Национален универзитет на уметности, Букурешт, Романија) со своите соработници и м-р Љубо Фидановски (Музеј на град Скопје). Предавањата ќе бидат на англиски јазик.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
