Експолозија во рудник во Украина 32 жртви

Во ексползија во рудникот за јаглен Засјадико во Донецк во источна Украина загинаа 32 рудари, соопшти претседателот на украинскиот парламент Володимир Гројсман.

Британскиот „Би-би-си“ повикувајќи се на локални извори вели дека судбината на повеќе од 70 рудари кои останале заробени во јамата, е уште неизвесна.

Еден неименуван извор од синдикатот на рударите изјави дека во рудникот експлодирал метан. Во моментот на ексползијата во рудникот имало 230 луѓе, а до 9 часот по локално време извлечени се 157 лица.

Поради природно високата концентрација на метан Засјадико има шест хоризонти од кои најнискиот е на длабочина од 1.200 метри и важи за еден од најопасните рудници во светот.

Во овој рудник за јаглен од 1999 до 2007 година се случија седум несреќи, а најголемата беше на 18. ноември кога загинаа 101 работник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.