Ураганот Флоренс, пред да ослабне до тропска бура, зеде четири жртви во Северна Каролина.
Првите жртви се мајка и бебе кои загинале откако паднало дрво врз нивната куќа во Вилмингтон. Таткото е хоспитализиран.
Една жена почина од инфаркт во Пендер Каунти откако болничко возило не успеало да стигне до нејзиниот дом поради блокадите на патиштата предизвикани од ураганот.
Четвртиот човек загина во округот Ленор, обидувајќи се да го вклучи неговиот генератор.
Националниот центар за урагани во Мајами синоќа соопшти дека силата на Флоренс е намалена до тропска бура, но предупреди дека се уште се очекуваат животозагрозувачки налети на ветрот и катастрофални поплави во делови од Северна и Јужна Каролина.
Прогнозата е дек во теков на викендов стихијата значително ќе ослабне. Во текот на наредните денови се очекуваат поројни дождови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
