Не гледам можност за понатамошно отпишување на долгот на Грција, изјави германската канцеларка Ангела Меркел, пренесува ТАСС.
– Приватните кредитори одбијат да го направат тоа, а банките веќе и простија на Грција неколку милијарди евра долг. Не гледам можност за понатамошно отпишување на долгот – изјави Меркел за весникот „Хамбургер абендблат“. Воедно, таа потсети дека еден од условите за нов пакет финансиска помош за Атина е спроведување реформи во земјата.
– Европа ќе продолжи да покажува солидарност со Грција и други земји кои се сериозно погодени од кризата но само доколку тие земји се погрижат да се спроведуваат реформите – потенцираше канцеларката и додаде дека Германија, и другите европски партнери, ќе почекаат и ќе видат каква програма ќе им предложи новата грчка влада.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
