Утринава времето е облачно со локални врнежи од снег, а во југоисточниот дел од дожд и од снег. Дува слаб ветер од северен правец.
Утринските температури измерени во 7 часот се движеа од -5 до 4 Целзиусови степени, и тоа: -5 М.Анови, -3 Крушево и Лазарополе, -1 К.Паланка, 0 Струмица, Куманово, Берово, Прилеп, Тетово, Штип Претор, Виница и Дебар, 1 Скопје, Битола, Кавадарци Охрид и Д.Капија, 3 Гевгелија, 4 Дојран.
Во текот на денот нè очекува облачно време, претпладне со повремени врнежи претежно од снег, само во крајниот југоисточен дел од дожд и од снег, каде што врнежите ќе бидат со умерен интензитет. Ќе дува слаб до умерен северен ветер. Максималната температура ќе се движи од 1 до 7 степени.
Во Скопје ќе имаме облачно време, претпладне со услови за повремен дожд. Ќе дува слаб северен ветер. Максималната температура ќе достигне до 5 степени.
Во среда ќе преовладува облачно време со услови за локални врнежи претежно од снег, а во четврток ќе има преодно стабилизирање на времето. Од петок попладне и во деновите од викендот се очекуваат нови пообилни врнежи со засилен јужен ветер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
