Во натпреварот да се биде или не, Македонија води тешка битка со Словенија во осминафиналето на светското првенство во Катар. Во првите 30 минути Словенија води минимално со 16-15.
Во првиот дел во натпревар полн со набој и многу исклучувањата, двете репрезентации водат беспоштедна битка.
Македонија можеше уште рано по само пет минути игра да ги загуби двајцата клучни играчи Наумче Мојовски и Филип Миркуловски кои се пожалија на повреда. Селекторот Ивица Обрван ги повлече од игра, но за среќа по лекарската интервенција на клупата се вратија во игра и се едни од клучните играчи.
На голот на Словенија е одличниот Шкоф кој успеа да фати дури три пенали, два на Кире Лазаров и еден на Ренато Вугринец, но неможе да ги спречи ударите од крило.
Кире Лазаров е најефикасен со четири голови, а Манасков и Герогиевски постигнаа по три. Обрван ја подели минутажата на голманите, но сеуште неможат да влезат во серија и да ја подигнат атмосферата во нашиот тим.
Кај словенците Скубе е најефикасен со пет погодици од исто толку удари, додека Гаиќ постигна три без промашување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
