Без врнежи, но студено ќе биде во среда. Според Метеопро на македонското небо се очекуваат сосема малку облаци. Во првате половина од денот ќе биде малку ветровито, а попладне ветерот речиси сосема ќе стивне.
Минималната температура ќе има вредност околу -8° низ котлините,a на повисоките места таа ќе се спушти до околу -12°С. Минимална околу -4°С се очекува во Гевгелиско – Дојранскиот крај. Максималната температура ќе има вредност околу -2°С низ поголем дел од котлините низ земјава. На југоисток максималната ќе достигне до 1°С. На повисоките места максималната температура ќе има вредност околу -6°С.
Во скопската котлина се очекуваат подолги сончеви периоди. Ќе биде ветровито, со умерен северозападен ветер претпладне, а попладне и вечер ќе биде тивко (без ветер).
Минималната температура ќе има вредност околу -8°С. Дневниот максимум на температурата на воздухот ќе достигне вредност околу -2°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
