Венчавки што ја обележаа 2014 година

Оваа 2014 година многу ѕвезди застанаа на лудиот камен и го кажаа своето судбоносно „да“. Некои венчавки желно ги исчекувавме, додека од некои се изненадивме. Овие венчавки ја обележија 2014 година.

Новак Џоковиќ и Јелена Ристиќ

Новак Џоковиќ и Јелена Ристиќ

Венчавката за која се зборуваше на Балканот и пошироко беше на Новак Џоковиќ. Тој на 10 јули се ожени со Јелена Ристиќ, со која се забавува од 2005 година. Оваа година тие двајца го добија и своето прво дете, синот Стефан.

Анџелина Џоли и Бред Пит

Анџелина Џоли и Бред Пит

Иако веќе неколку години тие двајца живеат во вонбрачна заедница и имаат шест деца. Анџелина и Бред се венчаа на 23 август. За венчавката се дозна неколку дена подоцна. Во брачна заедница стапија во Франција, во својот дворец Миравал, а на церемонијата присуствувале само најблиските пријатели и семејството.

Џорџ Клуни и Амал Аламудин-Клуни

Џорџ Клуни и Амал Аламудин

Венчавката се одржа во Венеција на 27 септември, а на прославата присуствуваа бројни познати личности. Сега по медиумите пишува дека тие двајца планираат да посвојат дете.

Ким Кардашијан и Кање Вест

Ким Кардашијан и Кање Вест

По две години врска, Ким и Кање се венчаа во мај оваа година.  Како познат перфекционист, Кање се потруди на 24 мај да биде најубавиот ден во нивниот живот.

Адам Левин и Бехати Принслу

Адам Левин и Бехати Принслу

Пејачот Адам Левин важи за еден од најголемите холивудски заводници. Тој се венчаше со супермоделката Бехати Принслу на 19 јули во Мексико.

Амди Бајрам Јуниор и Везира Агушева

БОНУС ВЕНЧАВКА: Кај нас годината ќе биде запаметена по венчавката на внукот на Амди Бајрам, Амди Бајрам Јуниор, со невестата Везира Агушева. Судбоносното „да“ го кажаа на 24 мај, во порта „Македонија“, на што претходеше голема веселба на градскиот плоштад, каде што младенците и сватовите играа оро околу споменикот „Воин на коњ“. Гостите ги возеа на панорамските двокатни автобуси, а игранката се случи во спортската сала „Борис Трајковски“, каде што ги забавуваат многу естрадни ѕвезди.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.