Планирате викендов да уживате на планина? Метеопро најавува повторно облачно и врнежливо време.
САБОТА:
Облачно време наутро и дел од претпладнето со врнежи. Задржување на врнежите преку ден поверојатно за западниот регион, но во ослабната форма. Преминување на врнежите во слаб снег подоцна, но на повисоките врвови. Можен ризик од намалена видливост во поголем дел од денот.
Температура на слој на воздух на 1500 м на пладне: западна трансверзала и централна група планини околу 6°С, источна група околу 4°С.
Ветер на 1500 м: слаб до умерен во најголем дел од земјата.
Над 2000 метри силен запад во западна група планини, на исток умерен запад на врвовите.
НЕДЕЛА:
Недела повторно облачна со повремен слаб дожд, особено во северната половина од земјата. Попладне зголемување на интензитетот на врнежите долж западната трансверзала. Над 1900 метри – снег.
Температура на слој на воздух на 1500м на пладне: западна трансверзала и централна група планини околу 4°С, источна група околу 3°С.
Ветер на 1500м: слаб северозапад источна група планини, слаб променлив на западна трансверзала.
Над 2000 метри слаб до умерен југозапад во сите региони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
