Во Берлин е отворена првата интернационална изложба посветена на еден од најзначајните и највлијателни американски режисери што ги одбележи последните три децении од 20 век – Мартин Скорсезе.
Изложбата, која беше отворена на 10 јануари, а ќе трае до 12 мај, беше поинтересна за многубројните посетители во Берлин за време на големиот Филмски фестивал во февруари бидејќи станува збор за прва изложба во која на увид на јавноста беа ставени многу приватни и интимни детали од неговиот живот, што досега никогаш не биле достапни.
Низ оваа интересна изложба, составена од видеоинсталации, од слики, ракописи, од макети и ликови, можеше да се проследи буквално целиот животен и професионален пат на Скорсезе, но и да се види од каде тој ја црпел својата инспирација и како го градел сопствениот оригинален стил на продуцирање.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
