Издавачката куќа Феникс и Фондацијата за културна и научна афирмација и презентација Македонија презент од Скопје распишуваат Конкурс за откривање и стимулирање млади таленти.
-Во овој месец декември 2014 година сите заинтересирани ученици од основните и средните училишта од Република Македонија можат да достават неограничен број свои ликовни прилози во форма на честитки, цртежи или разгледници на следниве пет теми: Македонија; Скопје; Нова Година; Книга; 21 век. Истите теми се и за литературните прилози (поезија, проза, есеј, пиеса, бајка…), како и за краток драмски текст, мини синопсис за филмско сценарио и оригинална уметничка фотографија, велат од „Феникс“.
Наградите ќе се состојат во дипломи и комплети книги, а ќе бидат наградени авторите, менторите и најактивните училишта. Рокот за доставување и испраќање на трудовите е 20 декември 2014 година. Во месец јануари ќе биде распишан нов Конкурс, а во текот на наредната година избраните ученици ќе настапат на новиот Фестивал Млади таленти“ – велат од феникс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
