Силното снежно невреме што го зафати североисточниот дел на САД досега однесе вкупно 13 жртви.
Две постари личности починаа откако се евакуирани од дом за стари лица, додека еден 50-годишен маж е пронајден мртов во своето возило.
Снежна бура во јужниот дел на градот Бафало предизвика уривање на најмалку 30 згради и блокира поголем дел од градот.
Претходно десет лица загина поради изложеност на екстремно ниски температури во областите Нијагара и Ири, во американската сојузна држава Њујорк, а неколку лица загинаа од срцев удар додека ги чистеле наносите од снег на своите домови и возила.
Американската Национална метеоролошка служба предупреди дека утре може да падне дополнителни 60 до 90 сантиметри снег, дека видливоста на патиштата е до нула, како и дека снежното невреме може да биде проследено со грмотевици и молњи.
Поради големите снежни врнежи изминатите неколку дена во САД се ангажирани над 5.000 лица за расчистување на улиците и патиштата, вклучително припадници на Националната гарда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
