Јирген Стајнеман, извршниот директор на таа компанија, истакнува дека до 2020 година би можело да дојде до „потенцијално снемување на какао“.
– Производителите на чоколади ширум светот, до 2020 година би можеле да претрпат сериозни загуби. Можно е да дојде до снемување какао, поради зголемените економски притисоци на фармите на производителите на какао ширум светот. Нашата работа зависи од одржливите залихи на висококвалитетно какао, а веруваме дека во иднина производството на какао би можело да зависи од малите производители – објаснува Стајнеман.
Уште еден од факторите кои значително влијаат врз намалувањето на залихите од какао е и епидемијата на ебола во Западна Африка, особено ако се земе предвид дека 70 отсто од светските залихи на какао доаѓаат токму од таа земја.
Неповолната ситуација и моменталната рестрикција во тоа подрачје, направија светското производство на какао да биде многу намалено.
Какаото го има сè помалку и поради болестите и сушата, но и поради луѓето, кои чувствуваат се поголем глад за благи работи, а водечка држава во тоа е Кина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
