– Коридорот 8 претставува еден од стратегиските приоритети во транспортната инфаструктура за следниот среднорочен период и во таа насока планираме да вложиме сериозен износ средства – изјави денеска вицепремиерот и министер за финансии Зоран Ставрески, одговарајќи на новинарски прашања.
Според Ставрески, со вчерашната објава од Европската банка за обнова и развој дека се одобрени 145 милиони евра за втората фаза од пругата кон Бугарија, од Белјаковце до Крива Паланка, се обезбедени средства и реализацијата на пругата ќе продолжи непречено.
– Тоа ќе претставува главната алтернативна опција за транспортот во однос на постојниот Коридор 10. Очекувам во следниот период, исто така, да се интензивира и градбата на патот од Кичево до Охрид и Струга и источниот автопат од Скопје до Штип, така што во целина и Коридорот 8 и краците на Коридорот 8 ќе бидат во фокусот на Владата за следните три-четири години и ќе има сериозни инвестици во тој дел – рече Ставрески, по потпишувањето на договорот за проектот за модернизација на патарините по Коридорот 10.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
