Десет македонски автори се претставија на интернационалниот фестивал на современата уметност Паратисима во Торино, Италија.
Селектираните уметници од Првиот саем на современа уметност – „Паратисима Скопје“, кои по учеството на саемот од 13-15 јуни во Младинскиот културен центар беа селектирани и наградени со учество на Паратисима Торино, се претставија со своите дела на десеттото издание на инернационалниот фестивал за современа уметност Паратисима Торино во Италија кој се оддржа минатата недела во периодот од 5 – 9 ноември.
Десеттото издание на Паратисима Торино беше отворено за јавноста пет дена и привлече 82.814 посети. Оваа година фестивалот се одржа на локацијата Торино Еспозициони каде што се претставија 600 уметници, помеѓу кои и десетте селектирани автори кои беа селектирани од деведесетте учесници на првото издание на Паратисима Скопје.
Селектираните автори Борче Богоевски, Ана Лазаревска, Ненад Тонкин, Александар Дудески (Творница), Калина Брајковска, Драган Христов (Лудус), Николина Симовска (Џаст Бикоз/Just Because), Маја Кировска, Горан Менков, Ленче Андонова и Бојан Ивановски учествуваа со свои дела во уметничката поставка на Паратисима Торино но, и во секциите посветени на дизајн и моден дизајн.
За гостувањето на селектираните автори се погрижи здружението „Континео 2020“ од Скопје во соработка со асоцијацијата “Јида“ од Торино. Соработката помеѓу Скопје и Торино продолжува саемот за современа уметност Паратисима Скопје во 2015 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
