„Нисан“ (NISSAN) е дел од јубилејното издание на најзначајниот филмски фестивал во Р.Македонија „Браќа Манаки”.
Легендарниот директор на фотографија, врвните филмски ѕвезди, меѓу кои најсјајната Жулиет Бинош, ќе пристигнат на црвениот тепих со новиот „нисан кашкаи“ (NISSAN Qashqai) и ќе имаат можност да уживаат во магијата на најстариот фестивал на филмска камера.
– Овогодинешната соработка не е случајна, „Браќа Манаки“ ова јубилејно издание е на врвот во поглед на врвни филмови, возбудливи и провокативни, креативни и мајсторски сработени, впрочем како и брендот „нисан“ кој со новата генерација на „кашкаи“ поставува нови стандарди во автомобилската индустрија. Компанијата „Аутомотив груп“ со задоволство ја поддржува филмската уметност и големата експанзија на Македонската кинематографија, а најдобар начин на претставување на иновацијата која возбудува е токму „Браќа Манаки” – вели Симона Николовска , лице за односи со јавност во „Аутомотив груп“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
