Четвртфинални дуели на Светското првенство во кошарка

Вечерва на програмата се првите четвртфинални дуели на Светското првенство во кошарка. Во олимписката сала „Палау Сант Жорди“ во Барселона од 17 часот ќе играат Литванија и Турција.

Двете репрезентации со минимални победи обезбедија четвртфинале и имаат голем мотив за триумф и за пласман во полуфиналето бидејќи така ќе дојдат на чекор до пласманот што го имаа на претходното првенство. Турција беше втора, а Литванија трета.

Светскиот и олимписки шампион САД е апсолутен фаворит во дуелот со Словенија. Американците заедно со Шпанија немаат пораз. Овој натпревар почнува во 21 часот.

Утре во Мадрид се играат другите два дуела: Србија – Бразил (почеток 18 часот) и Франција – Шпанија (22 часот).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.