В сабота, од 20.15 часот, на програмата е ракометен спектакл, Вардар на домашен терен го пречекува Металург во првото коло од СЕХА-лигата. Капитенот на „црвено-црните“ изјави дека оваа година се фаворит против која било екипа од Европа.
– Почеток на сезоната е, тимовите сѐ уште не го давааат најдоброто од нив, сѐ уште траат подготовките и ние и нашиот противник се подготвуваме да го дадеме најдоброто во ЛШ. Не дека не е важна СЕХА, но на прво место е ЛШ. Сепак, одиме на победа, зашто оваа сезона сме поквалитетни од минатата, со засилувања што имаат богато искуство и имаат освојувано многу пехари. Играме на домашен терен и оваа сезона може да се прогласиме фаворит против која било екипа во Европа, па и против Металург кога играме пред нашата публика. Нѐ победија на последните два меча, Автокоманда и Струга, треба ја прекинеме таа серија – изјави капитенот Филип Лазаров.
На турнирот што неодамна се играше во Струга, Металург беше подобар од екипата на Вардар, но како што вели Раул Гонзалес, овој натпревар е сосема поинаков, бидејќи тој бил како пријателски меч.
– Тоа беше пријателски меч, ова е СЕХА, различно е. Ние почнавме подоцна со подготовките и формата оттогаш е порасната. СЕХА-лигата ни е важна затоа што сега ние сме шампиони. Целта и оваа година ни е да бидеме во Ф4. А за да го направиме тоа треба да победуваме на вакви натпревари, за да ја подобриме нашата игра – изјави Раул Гонзалес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
