Рајски град: Нема полиција, платa 1.200 евра, кирија 15 евра (ФОТО)

Гратчето Мариналеда на југот од Шпанија се протега на само 25 километри квадратни и во него живеат само 2.700 жители, но за овие луѓе тука е вистинскиот рај на земјата.

Неговите жители не се плашат да ги искажат своите политички убедувања, но наместо блескавите реклами и брендови, луѓето своите ставови ги искажуваат преку уличната уметност, односно графити и мурали со пораки на поддршка и солидарност кон земјите како Куба и Венецуела.

Луѓето ја нарекуваат „комунистичка оаза во капиталистичка пустина”.

Одлуките во овој град се носат по директно демократски пат на неделни состаноци кои обично ги посетуваат 300-400 луѓе.

Исто така, овде вработеноста е речиси 100 отсто.

Толку многу луѓе сакаат да се преселат во овој град што морала да се направи листа на чекање, па така што идните жители чекаат и до две години додека дојдат на ред.

Просечната месечна заработка во Мариналеди изнесува околу 1.200 евра, а киријата само 15.

Луѓето сами си ги градат куќите. Локалната власт им го дава материјалот, а дури по изградбата и вселувањето, новиот сопственик на таа куќа на владата и плаќа 15 евра месечно за да ги рефундира трошоците од искористениот материјал. Доколку не знаете сами да ѕидате куќа (што е многу веројатно), властите дури ќе ви испратат и професионални архитекти и градежници. Трикот е во тоа што оваа куќа не можете да ја продадете што спречува злоупотреба и профитирање на таков начин.

Но тоа не е се’. Сите кои живеат овде на располагање имаат бесплатен интернет, два фудбалски терени, терен за кошарка, терен за тенис и за сквош и одбојка, базен (единствен што се плаќа на годишно ниво)…

Интересно е дека во градот нема полиција, иако според бројот на жители би требало да има од 4 до 7 полицајци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.