Новата словенечка влада предводена од Миро Церар ќе ја сочинуваат три политички партии, кои на предвремените парламентарни избори на 13 јули заедно освоија 52 места во 90-члениот Парламент на Словенија.
Како што јавија денеска словенечките медиуми, новата владина коалиција во Љубљана ќе ја сочинуват Партијата на Миро Церар (СМЦ), Демократската партија на пензионерите на Слованија (ДЕСУС) и Социјалните демократи (СД).
Во текот на преговорите за формирање на владата се споменуваше можноста во неа да учествува и Алијансата на актуелната премиерка Аленка Братушек – ЗААБ, но Церар реши да не и понуди места во владиниот кабинет.
Церар најави дека новата влада најверјатно ќе има 15 министри, од кои 10 ќе и припаднат на неговата партија, а остантите пет ќе ги добијат помалите коалициски партнери.
Засега не е позната платфорамата на новата влада, но медиумите наведуваат дека таа ќе мора да се насочи кон финансиска стабилизација на земјата и реформа на државната администрација. Пред Словенија треба да претстои и приватизација на некои од државните претпријатија, но тој процес останува неизвесен, имајќи предвид дека Церар во предизборната кампања се залагаше против продажба на државните монополски компании.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
