Студијата спроведена од страна на британскиот туристички сајт „Icelolly“ врз 2.000 двојки, покажа дека сѐ повеќе летни авантури се зацврстуваат.
Така, секој шести пар, кој е врска подолго од пет години, се сретнал во текот на летото или за време на годишниот одмор, а 46 отсто изјавиле дека нивниот прв бакнеж бил токму во ова време од годината. Повеќето парови признаваат дека се постраствени за време на летните месеци, отколку кога се дома.
– Луѓето се посреќни, порелаксирани и оптимисти во лето, отколку во било кое друго време од годината, а кога таквото расположение го сместите во убава околина, тоа е одличен рецепт за романса – велат истражувачите.
Најпопуларните места за размена на нежности се плажа, базен, море и ноќни клубови.
Најголем „виновник“ што летната авантура продолжува и кога секој се враќа дома, во последните пет години го имаат социјалните мрежи, со чија помош понатамошната комуникација е полесна.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
