Рускиот патријарх му го честиташе изборот на новиот украински претседател

 

Патријархот московски и серуски Кирил денеска му го честиташе изборот на Петро Порошенко на функцијата претседател на Украина и изрази надеж дека тој ќе го почитува мислењето на сите украински граѓани.

– Бидејќи дознав дека мнозинството граѓани ве избрале Вас за претседател на изборите на 25 мај, Ви ја честитам победата и ги делам со Вас своите мисли и надежи. Пред Вас е многу сложена и пресудна задача за наоѓање начин да ги смирите завојуваните страни и да направите се што е можно за повторно да се воспостави мир во украинското општество – се наведува во пораката на поглаварот на Руската православна црква упатена до Порошенко.

Патријархот Кирил додава дека информациите кои му пристигнуваат од Украина секојдневно му предизвикуваат болка, бидејќи луѓето умираат и страдаат, а земјата е зафатена од неслога и братоубиствена војна.

– Уверен сум дека, имајќи ги предвид актуелните услови, потребно е да се поддржи отворен дијалог со народот и државните лидери и да се почитува мислењето на сите граѓани – се додава во пораката на патријархот Кирил

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.