Попоски: Изградба на 125 социјални станови во Тетово и Гостивар

Носителот на листата на ВМРО-ДПМНЕ и коалицијата „За подобра Македонија“ во изборната единица 6, Никола Попоски, денеска ги посети населените места од општината Маврово-Ростуше.

Активностите, Попоски ги започна со средба со здравствените работници од Здравствениот дом „Русе Бошковски” во Ростуше, потоа го посети реконструираното средно општинско училиште „Маврово Ростуше”.

Попоски за време на посетата во Ростуше оствари средба и со градоначалникот Мукрем Мехмеди, во седиштето на општината.

За време на посетата тој истакна дека грижата за социјално најранливите категории на граѓани ќе продолжи и понатаму, најавувајќи изградба на нови социјални станови во Тетово и Гостивар.

-Како и досега што се грижевме за социјално најранливите групи на лица и изградивме 10 станбени објекти со 559 станбени единици , така и во следниот програмски период предвидуваме изградба за социјално најранливите лица во Тетово и Гостивар и тоа 55 станбени единици во Тетово и 70 станбени единици во Гостивар – истакна Попоски за време на посетата на реканскиот крај.

Дополнително, Попоски оствари средби со месното население од селата Битуше, Требиште и Велебрдо, пришто ги посети старата печатница и црквата “Св. Илија” во Битуше и пиеше чај со жителите на Требиште и Велебрдо.

Денешните активности на Попоски продолжуваат со посети на селата Јанче, Аџиевци, Присојница, Скудриње и Жировница

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.