Пендаровски подготвува капитулација за името: Без меѓуетнички консензус нема преговори кај Нимиц

Претседателскиот кандидат на СДСМ Стево Пендаровски продолжува да настапува со антидржавниот став барајќи државен конзензус за името. Во последното интервју во емисијата „15 минути“ на телевизија „Алсат-М“ , Пендаровски рече дека ако биде избран за претседател нема да поддржи продолжување на преговорите со Нимиц додека не се направи меѓуетнички консензус за името. Со овој катастрофален став претседателскиот кандидат на СДСМ им дава право на албанските политички партии да решаваат за црвените линии за името, а со тоа дополнително ја зголемува опасноста за загрозување на македонскиот идентитет.

– Не може да се оди на никакви преговори кај Нимиц ако претходно во Скопје не се направи најширок можен политички меѓуетнички консензус, поточно државен став, на Република Македонија. Не етнички, не партиски, не семеен, не личен, туку државен став на Република Македонија. Таков став има Грција и години наназад и тоа е таканаречена црвена линија. Нашата црвена линија не е утврдена. Недозволено е неколкумина да договараат став. Мора да се договорите со опозицијата, и македонска и албанска – рече Пендаровски.

Тој во интервјуто поби и неколку тези на актуелното раководство на СДСМ. Прво призна дека брзо решение со Грција не е возможно, што е контра тврдењето на Шекеринска дека ќе го реши проблемот за шест месеци. Второ, Пендаровски призна дека избрзано решение може сериозно да наштети на македонскиот идентитет- факт кој опозицијата долго време го негира тврдејќи дека Грција воопшто не се обидува да го загрози идентитетот на македонскиот народ. Трето, Пендаровски се огради од тоа сам да донесе одлука за евентуално решение, нешто на што долго време инсистираше СДСМ и вршеше притисок врз премиерот Никола Груевски со образложение дека „обврска на државниците е да носат тешки одлуки во интерес на народот“.

– Јас не велам како претседател дајте ми мандат мене сам ќе го решам името, за недела две три … Тоа не е возможно. Името е многу тежок проблем. Името може да закачи некои компоненти, идентификациони, на македонскиот народ што ни на сон не би сакал да помислам. Јас не се нафаќам да го земам мандатот за претседател за самиот да го решавам. Јас велам или заеднички ќе го решаваме, или нема да го решиме – рече Пендаровски.

Поз­на­ва­чи­те на со­стој­би­те иде­ја­та на Пендаровски за рам­ко­ви­за­ци­ја на пре­го­во­ри­те за име­то ја оце­ни­ја ка­ко не­од­го­во­рен чин кој по­ви­ку­ва на ка­пи­ту­ла­ци­ја.

Со својата најнова елаборација на тема името Пендаровски директно ги подддржа позициите на ДУИ која што се обиде да направи дипломатска офанзива со неколку посети на Атина, Софија, Брисел и САД. Пред посетата на Скопје грчкиот шеф на дипломатијата Венизелос за грчките медиуми изјави дека ДУИ и Грција имаат ист став за решавање на спорот. Грчкиот став и позицијата за името е добро познат, нема Македонци, нема Македонски јазик и нација.

Во 81. број на неделникот „Република“, поранешниот амбасадор Ристо Никовски детално ја опиша опасноста од ваквиот став на претседателскиот кандидат на СДСМ.

– Не­кој, очиг­лед­но, не знае што е тоа иден­ти­тет или не сфа­ќа ка­ко се чу­ва тој, ве­ли по­ра­неш­ни­от ам­ба­са­дор Ри­сто Ни­ков­ски. По тој ре­цепт, не­ми­нов­но сле­ду­ва до­го­вор на­мет­нат од стра­на, кој прет­по­чи­та по­раз – ве­ли дип­ло­ма­тот.

НИКОВСКИ: Ба­ра­ње­то до­ма­шен кон­сен­зус, по прин­цип на рам­ков­ни­от за ре­ша­ва­ње на проб­ле­мот со име­то мо­же да се сфа­ти са­мо ка­ко по­вик за (но­ва) – ка­пи­ту­ла­ци­ја. Та­кво­то раз­мис­лу­ва­ње, во нај­ма­ла ра­ка е, не­од­го­вор­но. Да по­тсе­ти­ме де­ка, ка­ко ре­зул­тат на не­ка­дар­ност и ка­пи­ту­лант­ско водс­тво, ние ја за­гу­бив­ме вој­на­та во 2001 го­ди­на. Ло­гич­но, сле­ду­ва­ше до­го­вор на­мет­нат од стра­на, со кој се ва­ло­ри­зи­раа ин­те­ре­си­те на по­бед­ни­ци­те. Не ма­ке­дон­ски­те. Др­жа­ва­та бе­ше ре­ком­по­ни­ра­на на не­при­фат­лив на­чин и пос­ле­ди­ци­те до­пр­ва ќе сле­дат. Тоа, ме­ѓу­тоа, не зна­чи де­ка Рам­ков­ни­от не тре­ба да се по­чи­ту­ва. Ние сме го при­фа­ти­ле и пот­пи­ша­ле, и тој мо­ра да се спро­ве­ду­ва иа­ко не тре­ба да има­ме ди­ле­ми за не­го­ви­от ка­ра­ктер.

Зо­што се­га тре­ба да при­фа­ти­ме нов по­раз? Кои се до­би­вки­те по­ра­ди кои тре­ба да се пре­кр­сти­ме и отка­же­ме од са­ми­те се­бе? Тоа е це­на­та што се ба­ра од нас. Ни по­мал­ку ни по­ве­ќе. Ако не­кој има „ар­гу­мен­ти“ за та­кво не­што, а не мо­же да има, не­ка ги ка­же, та да раз­мис­ли­ме. Си­те тру­бат де­ка ре­ше­ни­е­то за име­то не смее да го до­ве­де во пра­ша­ње иден­ти­те­тот на на­ро­дот. Тоа е од­лич­на пој­дов­на ос­но­ва. След­ни­от че­кор, ме­ѓу­тоа, по­ка­жу­ва де­ка не­кои или не зна­ат што е тоа иден­ти­тет или не сфа­ќа­ат ка­ко се чу­ва тој. Та­ка поч­ну­ва­ат проб­ле­ми­те. Се ли­ци­ти­ра со не­ка­ква про­ме­на на ре­фе­рен­ца­та за трај­но име за над­во­реш­на упо­тре­ба што е рам­но на ка­пи­ту­ла­ци­ја и отво­ре­но при­фа­ќа­ње на раз­не­би­ту­ва­ње­то на ма­ке­дон­ски­от на­род. Без по­ши­ро­ка ела­бо­ра­ци­ја, са­мо да ка­же­ме де­ка при та­кво ре­ше­ние, од тој мо­мент, „Ма­ке­дон­ци“ за све­тот, со си­те при­да­вки ма­ке­дон­ски/а/о (на­род, ја­зик, про­из­во­ди…), ќе би­дат из­мис­ле­ни­те 2,5 ми­ли­о­ни од Гр­ци­ја, а не ние. Ние ќе би­де­ме не­што – тре­то.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.