Покрај Новак Ѓоковиќ, кој во финалето на мастерсот во Мајами се пласираше без борба бидејќи Јапонецот Кеи Нишикори му го предаде мечот поради повреда, и Рафаел Надал не го одигра полуфиналниот меч бидејќи Томаш Бердих му ја предаде победата поради болки во стомакот.
Новак и Рафа во 40. меѓусебен дуел силите ќе ги одмерат в недела вечер, Ѓоковиќ ќе се обиде да дојде до својот четврти трофеј во Мајами, додека Надал ќе се обиде да дојде до првиот пехар.
– Само ако играм до крајните граници можам да го совладам Новак, а при тоа тој да не го игра својот најдобар тенис. Знам дека морам добро да сервирам и да бидам агресивен. Тој во финалето ќе влезе со многу самодоверба бидејќи неодамна го освои Индијан Велс – изјави Надал.
Во вкупниот резултат моментно најдобриот тенисер на светот има пет победи повеќе, односно во 39 одиграни меча 22 пати славел Надал, додека Ѓоковиќ 17.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
