Градоначалникот на Карпош, Стевче Јакимовски, општинскиот весник го претвори во гласило на неговата партија. Кандидатот за претседател на ГРОМ осамна на насловната страница на општинскиот весник „Карпош Урбан“ со промотивен наслов и промотивен текст на цела страна, платени со народни пари – изјави на денешната прес-конференција, Душко Весковски, од општинската организација на СДСМ.
Според него, Јакимовски општина Карпош ја претвори во негов сопствен посед. Ова по ништо не се разликува од методите на неговиот коалиционен партнер ВМРО-ДПМНЕ.
– Јакимовски општина Карпош ја претвори во негов сопствен посед. Ова по ништо не се разликува од методите на неговиот коалиционен партнер ВМРО-ДПМНЕ. Каде се институциите да реагираат на ова прекршување на изборниот законик? Каде е Антикорупциската комисија? – прашуваат од СДСМ.
Насловната страница на општинскиот весник на Карпош со кандидатот на партијата на Јакимовски го крши изборниот законик и претставува злоупотреба на парите на граѓаните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
