Според информациите добиени од АМСМ од ноќеска на патните правци низ западна Македонија има обилни врнежи од снег, на места и магла со видливост до 50 метри.
Поради снегот од 7.10 до 8.30 часот имаше забрана за камиони на патниот правец Маврово – Дебар.
Инаку, и поради врнежите од снег на некои места и обилните врнежи од дожд, во сообраќајот во остатокот од земјата нема сериозни нарушувања, велат информациите добиени во АМСМ од ЈП Македонијапат,
По клисурите и засеците можна е почеста појава на поситни одрони, посебно на патните правци Маврово-Дебар-Струга, Демир Капија-Удово, Катланово-Велес, Кочани-Делчево и Берово-Виница кои можат да го попречат движењето на возачите. Дежурните екипи на ЈП Македонијапат се на терен и редовно ги контролираат и одржуваат проодни сите патни правци.
Интензитетот на сообраќај на патните правци надвор од градските средини е умерен.
Возачите не смее да заборават дека на сила е законската обврска за поседување на зимската опрема во возилата. Таа истекува на 15 март.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
