Кирил Лазаров и Билјана Црвенковска ги добија оскарите за најдобри спортисти во изборот што го прават Сојузот на спортови на Македонија и Агенцијата за млади и спорт.
На свеченоста што вечерва се одржа во Музејот на македонската револуционерна борба, беа промовирани најдобрите наши спортисти, екипи и спортски работници за 2013 година.
Капитенот на ракометната репрезентација Кирил Лазаров го доби спортскиот „Оскар 2013“, потврда дека ракометот е број 1 кај нас е идентичната награда за членката на ЖРК Вардар СЦБТ, Билјана Црвенковска. Епитетот најдобра национална федерација го доби Ракометната федерација на Македонија, додека селекторот на кик-бокс репрезентацијата на Македонија, Драган Атанасовски е прогласен за најдобар тренер.
Машки национален тим: Репрезентација на Македонија во куглање.
Женски национален тим: Ракометната репрезентација на Македонија.
Млад спортист: Берат Јакупи, карате репрезентативец.
Млада спортистка: Лина Ѓорческа, македонска тенисерка.
Најдобар спортист меѓу лицата со инвалидитет: Андреј Стојановски, пливање.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
