Британците викаат полиција поради духови, вонземјани, вампири

Иако се обучени и подготвени за борба против секаков вид криминал и разбојништво, Британците очекуваат од полицијата да им помогне и во други необични случаи. Бројот 999 го вртат и оние што имале проблеми со надреални суштества.

Британските полицајци во последните три години биле викани поради страв од духови, вампири, вонземјани, паранормални активности и НЛО.

Од 2010 до 2013 година полицијаците забележале 277 повици кои се однесувале на такви случаи. Една Британка се јавила и панично тврдела дека видела дух, а други, пак, дека некој влегол во нивното тело.

Еден маж повикал полиција тврдејќи дека има дух во куќата и дека пронашол крв на вратата од тоалетот. Полицајците дошле и утврдиле дека станува збор за шега која ја извеле неговите пријатели.

Една девојка се јавила и рекла дека нејзниот поранеше партнер станал дел од еден култ и се претворил во вампир.

– Му ги видов забите – изјавила таа панично.

Полицијата секогаш одговарала на повиците на загрижените граѓани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.