Времето во Македонија ќе биде облачно со повремени врнежи претежно од снег особено во западните и северните делови од земјава.
Долж Повардарието и во југозападниот дел врнежите ќе бидат мешани, а само во крајниот југоисточен дел ќе се здржат од дожд. Повеќе врнежи се очекуваат во попладневните и вечерните часови кога на повисоките места ќе се формира и снежна покривка. Ќе дува умерен северен ветер.
Утринската температура ќе се движи од минус еден до три, а дневната од еден до шест степени.
Во Скопје времето ќе биде облачно со повремени врнежи особено попладне. Врнежите ќе бидат мешани од дожд и снег, а кон крајот на денот само од снег. Ќе дува умерен северозападен ветер. Утринската температура ќе се спушти до еден, а дневната ќе се искачи до четири степени.
Во среда наместа се уште ќе провејува снег, а во текот на денот ќе биде променливо облачно и ветровито. Од четврток, пак, следува стабилно и суво време со негативни утрински температури кои на повеќе места ќе бидат минус пет степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
