Клеопатра уби 14 лица – невремето се движи кон Хрватска (ВИДЕО)

Најмалку 14 лица загинаа во силната бура што ја погоди Сардинија вчеравечер, пренесува италијанскиот „Кориере дела сера“. На италијанскиот остров падна рекордно количество дожд, а поплавата уриваше патишта и мостови.

Според весникот, бројот на жртвите засега е 14 , но се наведува дека најмалку 10 лица се исчезнати. Сè уште има многу повредени, а стотици луѓе ги напуштија своите домови.

Метеоролозите предвидуваат дека дождот ќе продолжи да паѓа во вторник, а силното невреме ќе ја зафати и Хрватска.

Метеоролозите од хрватскиот тим го нарекоа овој циклон Ведран, но за Италијанците тој е Клеопатра. И двата тима се согласуваат дека невремето ќе има голем ефект врз времето во Хрватска, а врвот ќе достигне денеска и утре. Тоа ќе донесе дожд во Јадранот, понекогаш и повеќе од 100 литри на квадратен метар и можност за ураган во јужните делови со брзина на ветрот од над 120 км/ч.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.