Старец со убодна рана во стомакот е примен синоќа во Клиничката болница во Штип.
Според МВР, станува збор за 90-годишниот Т.Е. од село Блатец, кој е примен во болницата со убодна рана во стомакот, за која неговиот зет тврдел дека сам си ја нанел.
Според зетот М.К., старецот сам влегол во тоалетот и излегол целиот во крв, по што тој само го пренел во болница. Инаку, тој тврди дека меѓу него и старецот немало недоразбирања, а полицијата покрена истрага за утврдување на околностите при ранувањето на старецот од Штипско.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
