Кристијано Роналдо заработува најмногу и е најскапоплатен фудбалер на планетата, а и возниот парк му е на рамниште на рејтингот. Португалскиот ас од Реал Мадрид го има најскапиот автомобил во конкуренција на светски познатите фудбалери, а вози уникатно „ферари“ од специјалната серија на италијанскиот производител на автомобили, што чини точно 2 милиони фунти.
Интересно е што неговиот голем ривал од фудбалските терени, Лионел Меси има иста марка автомобил – „ферари“, но со многу поскромна цена од 138 илјади фунти. Меси е рангиран на 9. позиција во конкуренција на фудбалери што ги поседуваат најскапите возила на планетата.
Зад Роналдо на второ место е Ел Хаџи Диуф со „мерцедес мекларен“, автомобил што вреди 420 илјади фунти, зад нив е Дејвид Бекам со „ролс ројс“ скап 350 илјади фунти. Оба Оба Мартинс вози „ламборџини“ што го плати 250 илјади фунти, а во топ 5 е и Френк Лампард со своето „ферари 612“, кое вреди 197 илјади фунти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Уште една европска метропола ги забранува старите автомобили
-
Косово е противник на Македонија во полуфиналето во Лигата на нации
-
Семејството скршено од тага пристигна на стадионот- сопругата на Вичај од овој детаљ ќе се струполеше на земја
-
Десната рака на газдата, убавица од Тајланд и пилотите… кои беа жртвите од несреќата на „Кинг Пауер“?(Видео)
