Дарко Станиќ, српскиот репрезентативен ракометен голман, кој со успех настапува за македонскиот клуб Металруг, за српскиот дневен весник „Курир“ изјави дека најголем проблем во македонскиот ракомет му е фамилијата Начевски.
Станиќ на финалниот меч на турнирот во Струга имаше вербален дуел со судијата Славе Николов и беше исклучен од мечот. Токму Славе Николов суди во пар со Ѓорѓи Начевски, син на нашиот поранешен меѓународен судија Драган Начевски и внук на Маријан Начевски, кој е генерален секретар на СЕХА лигата.
– Начевски е позната ракометна фамилија во Македонија. Овде се нарекуваат Дон Корлеоне. Тоа кажува сѐ. Многу се влијателни, но нема потреба да ја шириме приказната сега – изјави Дарко Станиќ за српскиот дневен весник „Курир“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
