Навивачите на Астон Вила го продаваа на „E-bay“ за 500 фунти, а Бентеке си остана во клубот

Навивачите на Астон Вила му се налутија на Кристијан Бентеке и го продаваа на лицитација на „E-bay“ со почетна цена од 500 фунти, а напаѓачот ги изненади сите со потпишување на нов 4-годишен договор со клубот.

Белгискиот репрезентативец бараше да си замине од „Вила Парк“, дури влезе и во кавга и со клубот и со навивачите, но сепак дојде до неочекуван пресврт кај 22-годишниот играч, кој се одлучи да остане во Астон Вила.

Претходно дури беше истакната и цената за него, а раководството на тимот од Бирмингем бараше 25 милиони евра отштета од клубот во кој би заминал Бентеке. Потоа и навивачите му се заканија на Кристијан дека го чека „пекол“ без разлика на тоа дали ќе продолжи да игра за Вила или ќе замине. На крајот страстите се смирија, а црномурестиот член на белгиската репрезентација одлучи да остане во клубот од Бирмингем.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.