Мицкоски: Најмалку што може да направи по серијата на катастрофални грешки е Оливер Спасовски да си поднесе неотповиклива оставка

Денеска јавноста во Република Македонија е сведок на, повторно, едно скандалозно однесување на луѓе или структури блиски до СДСМ – коментира лидерот на ВМРО-ДПМНЕ, Христијан Мицкоски, запрашан за денешниот скандал за прислушувањето во Основното Јавно Обвинителство преку фиксните телефони.

Мицкоски, кој беше на средба со Стопанската Комора северозападна Македонија, посочи дека неговите соработници накратко го брифирале, а успел и нешто да прочита во медиумите. Затоа се оградува од поконкретен коментар. Вели се уште не може да се повика на веродостојноста на таа информација.

„Но, очигледно бидејќи јавниот Обвинител дава таква изјава претпоставувам и самиот е подготвен да сведочи за веродостојноста на таква изјава. Станува збора за едно скандалозно однесување на МВР, некаде таму на почетокот на септември месеци во 2016 година. Ќе повторам тогаш технички министер е господинот Оливер Спасовски па се до ден денешен. Исто така ја прочитав онаа помалку смешна изјава од страна на владиниот портпарол каде што повторно некој друг му е виновен, а не ја бара вината во сопствените редови. Однесувањето на СДСМ изминатите година и половина ни е јасно, кога немаат факти и аргументи кога не знаат како да ги решаваат проблемите тогаш секогаш се навраќаат назад во минатото и бараат виновник во некој кој претходно бил. Но, за жал, овдека виновникот треба да го бараат во сопствените редови бидејќи како што прочитав првите разговори се снимени некаде на почетокот на септември месец а снимањето траело до ден денешен, а министер за внатрешни работи во министерството за внатрешни работи е господинот Оливер Спасовски. Најмалку што може да направи по серијата на катастрофални грешки во овие година и половина во серијата неразјаснети криминални активности во Република Македонија е господинот Оливер Спасовски да си поднесе веднаш неотповиклива оставка – додаде Мицкоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.